النظره الاولي لديمو فيفا 16 (العيوب و المحاسن )

مين فينا مش بيحب يلعب العاب كره القدم سواء fifa او Pes !!! بس اللي كل الناس لاحظته ان هبوط مستوي الpes خلي الfifa تتقدم بشكل طاغي علي كل العاب الرياضه ودا ممكن نلاحظه بحيث ان اغلبيه المبيعات كانت متجهه لل FIFA مش الpes نهائيا ...... و بغض النظر عن المقدمه الطويله دي :D خلونا نشوف ايه الجديد اللي ف الديمو بتاع ال FIFA و بيختلف السنه دي عن كل سنه قبلها


هنبدأ ب المحاسن و الحاجات الجديده اللي ممكن نلاحظها في الديمو دا :
1- نلاحظ اختفاء ال PACE ABUSE او ال (درجن درجن) اللي كانت مسببه مشاكل كتير سواء في الاونلاين او الاوفلاين و دي حاجه تحسب للعبه بحيث ان مفيش انفرادات كتير هتحصل بسبب الثرو و الجري بلاعب سريع .....

2- نلاحظ بردو ان ال physical تطورت بشكل كبير بحيث انها متقسمه لكل لاعب بدقه شديده مشابهه للواقع بحيث مثلا ان لاعب زي فابريجاس ال Stamina بتاعتوا بتخلص قبل الماتش ما يخلص ودا فعلا مشابه للحقيقه و كمان دا بيفيد ان مفيش لاعب يقدر يجري مسافه كبيره في الملعب بدون ان يفقد سرعته و يتعب و دا تأكيد علي ان (الدرجن درجن) مش هيبقي ليها وجود نهائيا

3- الدفاع تطور بطريقه مثيره للاهتمام بحيث انك ممكن تدافع بكذا طريقه منها انك بتدافع بلاعب و الباقي بيكونوا عمق للدفاع .... او انك تهجم بالدفاع كله ككتله واحده لاستخلاص الكره ودا مفيد لو هتدافع امام لاعب مهاري زي ميسي او رونالدو ....

4- الذكاء الاصطناعي للكمبيوتر و الفريق اللي بيلعب امامك بحيث انك ممكن تشوفه بيعمل skills و ممكن تشوفه بيطول الكره عشان يجري اسرع من المدافع (بتفشل كتير من الاحيان) و كمان انه بيرجع الكره لحارس المرمي ودا جديد في النسخه دي بحيث انه كان قبل كدا في الاصدارات السابقه بيطلع الكره out بدل ما يتعامل مع الموقف بذكاء

5- حراس المرمي تطوروا بشكل اكبر مما كانوا عليه في النسخه السابقه بحيث ان الانفرادات ممكن يصدها بنسبه 60% و كمان الشوط من بعيد صعب انه يدخل (بغض النظر عن الجليتش بتاع الشوط :D )

6- السيطره علي نصف الملعب هي عنوان و مفتاح اللعبه بحيث ان صانعي الالعاب لو وجدوا الحريه في وسط الملعب هيدخل فيك اهداف زي الرز :D

8- الثرو لوب بقي اصعب مما كان يعني كدا مش هتلاقي الجري من ع الاطراف اللي كان موجود قبل كدا

9- ال skills اصبحت امتع .... مع اضافه no touch skills ودي ادت مذاق خاص للعبه و انت بتلعب

10- اللعبه عامه اصبحت اصعب و امتع من ذي قبل بحيث انها كل ما زادت الصعوبه زاد استمتاعك باللعب

11- الاحتفالات الجديده ومن اهمها الاحتفال مع دكه البدلاء و كذلك الاحتفال مع الكاميرا

دي كانت بعض المحاسن في اللعبه ..... و دلوقتي ننقل بقي علي المساوئ وهي مش كتير عامه ولكن بتبقي قاتله اثناء اللعب

1- كل الناس اكيد توقعت ايه هو اول شئ سيئ و هو فعلا العرضيات ........
بحيث انها في طريقه مشابهه ل FIFA 14 الكره بتلف و تنزل علي رأس المهاجم مهما كان قصير ولو حتي كان حواليه 4 مدافعين بردو هيجيبها جون ...... واذا لم تحل الشركه هذه المشكله فسنعمل جاهدين علي ايجاد حل لها (فريق Araby Gamer )

2- جليتش الشوط من منتصف الملعب ...... بشكل غير متوقع يكون الحارس وصل لحدود منطقه الجزاء و لما بتشوط عليه الكره مش بيعرف يعمل لها حاجه ........ ونأمل من الشركه انها تحل هذه المشكله

3- بطء اللعب في بعض الاحيان حيث اذا كان الفريقان يلعبوا بشكل دفاعي ستشعر بالملل اثناء اللعب

4- physical لاعبي الكمبيوتر دائما ما يكون اقوي منك ولذلك لا يواجه الكمبيوتر مشكله في قطع الكره منك اثناء اللعب


هذه ايضا كانت بعض عيوب النسخه الديمو ونأمل ان تتحسن في النسخه الكامله :D


و بعد كل هذا سوف نعطي اللعبه في التقييم المبدئي 8/10 علي امل ان تتحسن المشاكل و تزداد المحاسن في النسخه الكامله بأذن الله تعالي ..............